دروب الامل
12 / 07 / 2012, 56 : 08 PM
امشّي السالفة .. من طيب نيّـاتي
لو هـي على وجهها و اﻻ مقفّـاها
مدامنـي صح .. ﻻ افكـر وﻻ احاتـي
واللي نوا لي بـ نيّـة سـوء يلقاها
أشوف نـاسٍ تضاعفني من سكاتي
ماتـدري النفس عدّتها من رضاها
وأشوف ناسٍ تبي تكسر طموحآتي!
و الحمدللـه أجيهـآ .. و أتعـدّاهـا
يامدور الشعر يوم تدور أبياتي
أبشر بمزنة تهل وﻻ وقف ماها
همت ودمت هوآهآ صرصرً عآتي
سويتها يوم رب العرش سواها
من مزنة سيلت تمشي بمشهاتي
يسوقها البدع والمعنى تقفاها
أنا على فطرتي ما صنع بذاتي
وحﻼة طبع البشر على سجاياها
يالله تغفر لحيي وارحم امواتي
اللي عرفت السنع مع جرة خطاها
وياللي سمعت الوصية جود وصاتي
القلب مصخي بها والعقل يدراها
يامن تحاول تهد جبال اباناتي
فكر قبل هدها وشلون ترقاها !
انا ولد شايبٍ تكرم شنباتي
عن مستوى العفن والرديان ولحاها
كم لحيةٍ ماهي بكفو ابتساماتي
بعض المجامل يحد النفس لقصاها
ولـ أعرف أقول انساتي قبل ساداتي
كيف افهق رجالها واقلط نساها !
لو يزعل اللي زعل هذي قناعاتي
البنت ماهو مركى الرجل مركاها
البنت يصلح عليها ثوب بناتي
ماتصير قبل الرجال اللي تعزواها
وياللي تصيد بغلطاتي وزﻻتي
أنا بشر والبشر مااكثر خطاياها
أنا بدوي في بﻼد الجود مرباتي
والناس ترجع لمعدنها ومرباها
بعض الرجال يتبدوا خرط كاﻵتي :
جيب .. ومعه طير.. وأبشربه.. وشرواها
وشرواك طيب.. وفعل جدي.. وغزواتي
والمرجلة قال خلوهااااا .. وخﻼها !
وﻻزم مبهذل وثوبه وصخ ويهاتي
وﻻيعرف البداوة وش معناها
من علمك هاللباس الوصخ يازناتي
لبس البدو ياضعيف العقل يزهاها
ترا البداوة سلوم وفعل واثباتي
وثقل وعقل مع رجال عند مبداها
وحشمة وشيمه ووقفه عند كلماتي
وعزه وهيبة وستر اللي تنخاها
يالله يالله ترزقني بنياتي
واللي معه نية بالسوء يلقاها
للشاعر المبدع /عبد الكريم الجباري
للاستماع هوون
http://www.safeshare.tv/w/iaBiayzCgc
لو هـي على وجهها و اﻻ مقفّـاها
مدامنـي صح .. ﻻ افكـر وﻻ احاتـي
واللي نوا لي بـ نيّـة سـوء يلقاها
أشوف نـاسٍ تضاعفني من سكاتي
ماتـدري النفس عدّتها من رضاها
وأشوف ناسٍ تبي تكسر طموحآتي!
و الحمدللـه أجيهـآ .. و أتعـدّاهـا
يامدور الشعر يوم تدور أبياتي
أبشر بمزنة تهل وﻻ وقف ماها
همت ودمت هوآهآ صرصرً عآتي
سويتها يوم رب العرش سواها
من مزنة سيلت تمشي بمشهاتي
يسوقها البدع والمعنى تقفاها
أنا على فطرتي ما صنع بذاتي
وحﻼة طبع البشر على سجاياها
يالله تغفر لحيي وارحم امواتي
اللي عرفت السنع مع جرة خطاها
وياللي سمعت الوصية جود وصاتي
القلب مصخي بها والعقل يدراها
يامن تحاول تهد جبال اباناتي
فكر قبل هدها وشلون ترقاها !
انا ولد شايبٍ تكرم شنباتي
عن مستوى العفن والرديان ولحاها
كم لحيةٍ ماهي بكفو ابتساماتي
بعض المجامل يحد النفس لقصاها
ولـ أعرف أقول انساتي قبل ساداتي
كيف افهق رجالها واقلط نساها !
لو يزعل اللي زعل هذي قناعاتي
البنت ماهو مركى الرجل مركاها
البنت يصلح عليها ثوب بناتي
ماتصير قبل الرجال اللي تعزواها
وياللي تصيد بغلطاتي وزﻻتي
أنا بشر والبشر مااكثر خطاياها
أنا بدوي في بﻼد الجود مرباتي
والناس ترجع لمعدنها ومرباها
بعض الرجال يتبدوا خرط كاﻵتي :
جيب .. ومعه طير.. وأبشربه.. وشرواها
وشرواك طيب.. وفعل جدي.. وغزواتي
والمرجلة قال خلوهااااا .. وخﻼها !
وﻻزم مبهذل وثوبه وصخ ويهاتي
وﻻيعرف البداوة وش معناها
من علمك هاللباس الوصخ يازناتي
لبس البدو ياضعيف العقل يزهاها
ترا البداوة سلوم وفعل واثباتي
وثقل وعقل مع رجال عند مبداها
وحشمة وشيمه ووقفه عند كلماتي
وعزه وهيبة وستر اللي تنخاها
يالله يالله ترزقني بنياتي
واللي معه نية بالسوء يلقاها
للشاعر المبدع /عبد الكريم الجباري
للاستماع هوون
http://www.safeshare.tv/w/iaBiayzCgc