ببغاء افريقي للبيع

[اناعبدالعزيز]

السلام عليكم ورحمة الله وبركاته

صباحكم \ مسائكم فرح ومسرات

ببغاء افريقي لسى ما تكلم بس يصفر وماهو اليف تحت التدريب حاليا الببغاء سليم من الامراض ولله الحمد البيع لاعلى سعر
http://www.up-tumaer.net/tumaer/download.php?img=10438 http://www.up-tumaer.net/tumaer/download.php?img=10437

http://www.up-tumaer.net/tumaer/download.php?img=10439

[همس الجفاء]

شكلههَ جميلَ ^_^

بآلتوفيقَ لكَ آخويَ

[اناعبدالعزيز]

من ذوقك
الله يوفق الجميع

[سُلاَفْ القَصِيدْ]

موفق آخوي

[اناعبدالعزيز]

جزيتي خيراً الرآقيه

[أبـوحـمـد]

مااسيم منك اخووووي

[ẔṂŊ ĢǍṦě]

كم تبي فيه من الاخر؟

[صاحب المعالي]

افتح بابه ب1000 بس شرط انه سليم

[توليب2]

بالتوفيق لك

[صاحب المعالي]

وينك ياراعيه بتبيع

[عزوز الرياض]

الطير كم عمره
وهل هو يجعر ولا لا
وريشه كانه منتف روحه شوي

[هذي انا]

بالتوفيق

[اناعبدالعزيز]

اسف ياجماعه على التاخير بالرد بس انشغلت مع رمضان مبارك عليكم الشهر جميعا الله يجعلنا من صوامه وقوامة ويتقبل منا ومنكم صالح الاعمال
ابو حمد ما سيم من قبل
صاحب المعالي
سومة طيبة من وجه طيب الطير سليم من الامراض ولله الحمد عيبه انه ماهو مدرب واذا تبي تشوفه رقمي بيوصلك على الخاص اتصل فيني ونتفاهم

[اناعبدالعزيز]

والله مادري كم عمره بالضبط
ايه يجعر مثل ماقلت ماهو اليف بإمكانك تدربه
ايه منتف صدره لانه كان عند واحد الله يهديه مروعه بس الحين هدأ شوي وجعرته صارت اخف من اول وبدأ يستجيب لما احك راسه

[عزوز الرياض]

طيب ابو عبد العزيز

عيونه فيها لوان اصفر على الابيض

[اناعبدالعزيز]

والله عيونه اشوف انها طبيعيه والطير صار له فترة عندي ما لاحظت عليه اي شي حتى اكلة تمام
لاكن ممكن الصورة ما توضح عيونه تمام لانه تصوير جوال تقدر تشوفه على الطبيعة وتفحصه يالغالي
اذا تبي تشوفه راسلني على الخاص

[اناعبدالعزيز]

كم تبي فيه من الاخر؟
مالي حد يالغالي السوم وصل 1000 وانا قريب ماراح نختلف باذن الله

[عزوز الرياض]

وووين موقعك يا ابو عزوز

[اناعبدالعزيز]

انا من تمير يا عزوز بس الحين خارج تمير اذا تبي تشوف الطير بكرة بكون موجود

[Mr:lOooOl]

اذا كانت العيون سوداء الي لون رمادي غامق يكون عمره من الشهر الى الست شهور
اذا كانت العيون من الرمادي الغامق الى رمادي فاتح يكون من ست شهور الى السنه
اذا كانت العيون لونها رمادي فاتح الى اللون الابيض يكون عمرة من سنه الى سنتين
اذا العيون لونها ابيض مائله للون الأصفر بيكون عمره حدود السنتين الي ثلاث سنين
اذا صارت العيون لونها اصفر يكون عمره من ثلاث سنين وفوق


موفق اخوي بالبيع بس حبيت أوضح العمر

[اناعبدالعزيز]

مشكور اخوي على المعلومات معناته عمره كبير لان عيونه مايله بيضاء بصفار