الـناس صـارت بـين حاسد وكذاب

[النادر]

جــربــت بالدنيا تجاريب شـايـب
وعـرفت عدواني وميزت الأصحاب

وعرفت طبع الناس مخطي وصايب
ومـانـيب خـبل تخدعه ضحكة الناب

جـنبـت نـاس اونـاس بـعضـه قرايب
الـبعـض مـنهـم قـربته قربت الداب

لـو كـان تـعطـيهـم عـيونـك وهـايـب
مـايـنفـعونـك جـودهـم عند الأجناب

ومـن لا يـسد اللازمة فـي الـنوايـب
وقـت الـرخـا تـقول أبـو زيـد وذياب

والــلي تــكبــر عــنه شـد الـركـايـب
اتــرك طــريـقة واحـقره كـنه ذبـاب

وبـعض البشر قلبه من الحقد عايب
لافـيه طـب وقـلبه اسود من غراب

عـنده نـجاحـك مـن كـبار الـمصـايب
وإذا سمع مدحك من الغيظ ينصاب

لـولا الـحيـا سـالـت دمـوعه سكايب
مـسكين من نار الحسد ماكل تراب

الــلي يـذمـك كـل مـا صـرت غـايـب
وان جيت قدم لك تراحيب وإعجاب

خـله تـرى مـثلـه مـع الـناس خـايب
وعـادات أبـو وجهين يكذب ويغتاب

لـو تـغرقـه بـالـطيـب مـا هـو بطايب
ولا تـنخدع في مثل شرواه لو طاب

طــيبــه وخــيره لـلمـره والـنسـايـب
ولا تـنشـده عـن والـديـنه والاقراب

لاهـــو بـــرجـــال يــفك الــنشــايــب
ولاهـو ببـنت تـنقـش الـكف بخضاب

وشـلون نـبي الـغيـث وايا السحايب
والـناس صـارت بـين حاسد وكذاب

كـــثيـــرهـــم تـــفرغـــوا لــلطلايــب
و مـا بينهم قامت عداوات وأحزاب

وتـبقى الـحقـيقة يـا زمـان الـعجايب
الــروس روس ولــو يــغارون الأذناب

[عازف الأحزان]

سلمت وسلمت يديك

وتقبل مروري اخوي النادر

[همس الجفاء]

قصصيده رآئعه اخوي النآدر
صح السسآن قآيلها ونآقلها
تسسلم يمينك ويعطيكَ ربي الف عافيهَ

لاهنتَ

[سُلاَفْ القَصِيدْ]

صح لسآن شاعرهآ
قصيده فوووق الرووعه
انتقآء مميز وذآئقه شعريه رآئعه

[النادر]

عازف الاحزان
همس الجفا
الراقيه
شاكر لكم هالتواجد الطيب
وحضوركم زاد القصيدة جمال

[دروب الامل]

قصيده في غاية الرووعه
تسلم اخوي الناادر وييسلم شاعرها
تحياتي لك

[صـخـب !]

آبيآت عذبههَ ,
يعطيك آلعآفيههَ ع آلآنتقآء آلرآئع ,

[أبـوحـمـد]

لـو كـان تـعطـيهـم عـيونـك وهـايـب
مـايـنفـعونـك جـودهـم عند الأجناب

قصيده في الصميم اخوي النادر تسسسسلم على الذاائقه..

[دمعه جراح]

قصيده رااائعه جدآ
تسلم والله
لاهنت

[النادر]

دروب الامل
صخب
ابو حمد
دمعه جراح
حياكم الله شرفتوا وشاكر لكم هالحضور الجميل

[عزوف]

يسلمك ربي ع الذؤؤق..