تمير للعوائل فقط

[دمعة حزين]

السلام عليكم ورحمة الله وبركاتة
استغرب من سياسة بلدية تمير او المجلس البلدي في تمير خاصة في الاونة الاخيرة اصبح كل شي عوايل فاعتقد ان من وضع هذه اللوحات او اقترح هذا الاقتراح ليس من ابناء تمير
المنتزة المقابل للشلال حي العزيزية اصبح عوائل
ومنتزة البندق اصبح عوائل
اين يذهب الشباب اذا صار كل شي عوائل وياليت ينظر للموضوع وتزال هذه اللوحات باسرع وقت وتوضع منتزهات اخرى للعوائل

[المتحـ2007ـد]

اكيد بيحطونه عوائل عشان يجيبون اهلهم فيه

الشباب بيكون لهم شارع الثلاثين وانواااااع التفحيط

او برمي في الشواااارع اقتراح وتنفيذ فااااشل من البلديه الله يهديهم

عجزين يحطون شلال ثاني للعوائل مهوب عجزين مير الله يسهلها

واشكرك على هذا الموضوع
*

[أبو ريوف]

قبل منع الشباب يجب إيجاد لهم بديل جميل او غض الطرف عنهم في بعض الأماكن

[توأم الجود]

مافيه دورات مياه !!

يعني مايصلح لا للعوائل ولا للشباب !

تحياتي

[زمان الصمت]

مجرد لوحة ومسمى فقط
الدكات حقت البندق مكتوب للعوائل و اغلبها تجد فيها شباب
حتى الواحد كره يودي اهله في هذه الاماكن الشغلة كلها خرابيط
ولا فيه احترام للعوائل ولا للشباب

[محترم باخلاقي]

مجرد لوحة ومسمى فقط

الدكات حقت البندق مكتوب للعوائل و اغلبها تجد فيها شباب
حتى الواحد كره يودي اهله في هذه الاماكن الشغلة كلها خرابيط

ولا فيه احترام للعوائل ولا للشباب

طيب الشباب وين يروحون
ترا حتى الثيل الي في العزيزيه(المرش)
كاتبين للعوائل يعني اغلب الجلسات عوائل
الحن ماحطولنا الى الدكات الي عند البوابه
حقت تمير وين نرووووح؟؟!
تحياتي..~

[ورده موف]

بالنسبه لشلال العزيزيه واللي قدامه لايصلح عوايل بتاتا البته اولا بعييييد عن البيوت وعند الشارع العام رايح جاي
انا اقول يخلونه للشباب احسسن واصرف,,, والمراجيح يشيلونها ويحطونها جمب ساحة الملعب الجديده ويضبطون المكان للعوايل
ويحطون جديد ثيل مسطح( مب جبل) ومراجيح عند البيوت يكون قريب للمنازل ..
وشكراااا

[ملك الخالديه عبود]

كل شي لازم يجي فيه حنه ورنه

[نواري$]

الله يكون بعونكم جلد وجليد محاصل لكم شي ابدا مدام هذي طبايعكم

[ملك الخالديه عبود]

ههه صادقه نواري وهذي هي المنطقه الوحيده مافيها منتزه شوفوا الروضه وجلاجل وــ كلهم عندهم منتزهات الاتمير

[غربة وطن]

فكرة أي شيء للعوائل بتمير اعتبرها فاشلة 100%100 لان هناك أشخاص يخاف
يقال أن فلان أشوفه هو والعائلة في منتزه الشلال أو منتزه العزيزية
( تعتبر كارثة من صنع البشر) بس في سدير في الرياض أي مكان أخر عادي
يبقى شعارنا في مدينتنا ( لا للعوائل )
وللأسف الخطط المعمول بهاليس لها آلية متقنه
و... صباحكم سعيد

[ط َـموح]

+
آلآن بدأ موسم آلآنتفاضآت وآلمعآرضآت , ( مع آن مآفيه نتيجه رآح تبين )
تمهيداً لبدء آلهوآش على آلمهرجآن آلسنوي , وبعده حفل آلمعآيده , وبعده آن كآن فيه شيء على شآرع آلثلآثين وآهله
وآلآ رجعنآ على آشآرة الخبيراء مروراَ بآشآرة الاتصآلات اللي رآح تطفي , وآنتهآءاَ بتقصير آلبلديه .... ويآليل مَ آطولككك .

وصبآحكم تميرآوي ..

[رقي]

الجلسات الي مقابله للعزيزيه للشباب من عرفتها ماشفت بزران فيها
العابها سيئه لبعدها عن الأهالي

اما دكات البندق المفروض تخلا للعيال والجهه الثانيه عوايل بتقطع ظهورهم

هالاستراحات الي يستأجرونها عشان راحتهم

[عازف الأحزان]

اصلا العوائل في تمير

اذا طلع الشخص مع عائلاته ما يدور مكان قريب بتمير

بالعكس يروح لمكان بعيد

يا اخوان سوو شي لشباب بديل

بعدين الكتمه على الشباب يخلوهم ينظرون العوائل الي رايح والجاي

رح لرياض واجلس في اي متنزه في الرياض تلاقاك جالس في مكان والعوائل ما يبعدون عنك شي

قسم بالله ما تعطيهم اي اهتمام وكنك موب جالس

ارحموا من في الارض يرحمكم من في السماء

[سهيل تمير]

أشكرك أخوي دمعة حزين على صراحتك وطرحك المميز
فعلاً تخبط عشوائي من رجال البلدية في وضع تلك اللوحات
جلسات الشباب عند بوابة تمير تصلح للشباب وللعوائل
فهي عامة ليست خاصة لفئة معينة لأسباب كثيرة
كذلك منتزه الشلال ( البندق ) فهي عامة ليست خاصة
أتمنى أمنية قلبية من رجال البلدية إزالت تلك اللوحات
فهي تحسب على أهل تمير ونقطة سلبية
لا نرضاها نحن أهل تمير
فالذي وضعها إنسان غير مفكر
سؤال موجه للذي وضعها
ماذا يتطلب منتزه العوائل ؟!
سؤال لرئيس بلدية تمير
هل يكون منتزه العوائل خارج المدينة ؟!




تحياتي وتقديري للجميع