الممشى والثيل

[ورده موف]

السلام عليكم


عندي استفسار بخصوص الثيل اللي توه جديد بجانب الممشى
هل هو للشباب ولا تبع العوائل
توه ماله الا يومين سمعت انه يتواجد فيه الشباب ؟؟؟!:t177:

[المتحـ2007ـد]

كلش تبونه للعوائل تمير طلعت للعوائل ما فيه شي للعزاب

[محترم باخلاقي]

الضاهر بتحطون دكه على الخط السريع
وتقلون هذي للشباب ويمكن يكتبون على الوحه عند تميريه
تمير للعوائل فقط!

[اابو عزوز]

اللي يسبق يقعد فيه وبس

[عزوز الرياض]

كثير ما اجد لوحات للعوائل
واكثر الي فيها عزاب

لو تحطون عوائل محد جاي من اهل تمير بيجلس هو وعياله

[برق1]

اول الليل لكم

واخر الليل لنا

:)

[المستشــــار]

للعوووووووووووووايل


العزاب لهم اللي مقابل متوسطة الملك خالد واللي في العزيزيه

[أبو ريوف]

[SIZE="5"]بحكم قربه من شارع بيتي فلدي بعض الملاحظات منها /

1) متابعة الهيئة للموقع بين فترة وآخرى لكثرة النساء والشباب
2) تواجد الشرطة لوجود المسرعين والمفحطين
3) وضع مطابات من البلدية لسرعة الشباب مع تواجد الاطفال
4) محاولة البلدية عزل الشباب عن النساء و [/SIZE

[وافي تمير]

كلش تبونه للعوائل تمير طلعت للعوائل ما فيه شي للعزاب

اللي يشوفك كل يوم تمشي في الممشى على ردك هذا ...!

[وافي تمير]

بحكم قربه من شارع بيتي فلدي بعض الملاحظات منها /

1) متابعة الهيئة للموقع بين فترة وآخرى لكثرة النساء والشباب
2) تواجد الشرطة لوجود المسرعين والمفحطين
3) وضع مطابات من البلدية لسرعة الشباب مع تواجد الاطفال
4) محاولة البلدية عزل الشباب عن النساء و
[/SIZE

[SIZE=6]اقتراح 1 و2 و3 جميل جداً مثل جمال حضووورك يابعدي
اما الرابع مااافهمته .
بيض الله وجهك على هذي الاقتراحات.

لاهنت

[فراوله تنقط عسل]

احول تتهوشون عشان قطعه ماتجي مترين .

[L O R D]

ودي يكون عوائل

يكون افضل

الشباب عندهم اماكن كثيره يستمتعون بها

[ورده موف]

مشكورين ع الردود
لكن هذا اسميه للنساء فقط بحكم قربه للبيوت
وانتم ياشباب كلش حاشرين عمركم فيه ياكثر الثيلات بالديره حنط هذا يعني
نبي ناخذ راحتنا بهالعطلعه وننبسط حنا وعيالنايلعبون بالمراجيح
حاسدينا على قطيعة هالثيل ..
عندي اقتراح
لو يحطون عليه دار مادار شبك ويكون عوايل ^_^

[ورده موف]

احول تتهوشون عشان قطعه ماتجي مترين ..

هذا نقاش ليس هواش
لكن لو يجون الشباب خلاص ماعاد يكون فيه روحه
محد يرضا يحط اهله ويامنهم وفيه شباب صح ولا لا

[ورده موف]

للعوووووووووووووايل


العزاب لهم اللي مقابل متوسطة الملك خالد واللي في العزيزيه

جزاك الله خير
:bouquet2:

[غــدي]

احول تتهوشون عشان قطعه ماتجي مترين ..

ارجو من مشرف الساحه حذف هذا الرد لانه خارج عن الموضوع وجارح ولكم جزيل الشكر

[أبو ريوف]

نتمنى من البلدية ان تقوم بإزالة الحصى ، لإبعاده عن الثيل وذلك لكثرة الدواب والعقارب في شعبان العودة وشخصياً ذبحت إحداها هاليومين بطريق المشاة وكذا الزراعة برش المنطقة بالمبيدات ، ربي يحفظنا واياكم ،،،

[شبح النصر 17]

مشكورة وردة ؟ الحقيقة ان العوائل في تمير محتاجه متنفس لها في ايام الاجازات والواجب من البلدية زراعة الثيل بمساحة كبيرة ويوجد لديها مساحات لم تستفد منها ولم تطرحها في مناقصات للمواطنين لتكون مراكز ترفيه ..

[شبح النصر 17]

اخوي ابو ريوف الدواب والعقارب في تمير منتشرة بكثرة حولنا و الحصى توزى فيه وتفكنا من شرها ورش المبيدات يسبب الحساسية خل نتمتع بالاجواء فبل تجي الصناعية اكبر مبيد للجميع وربي يحفظنا ويحفظكم .

[أبو ريوف]

اقتراح 1 و2 و3 جميل جداً مثل جمال حضووورك يابعدي
اما الرابع مااافهمته .
بيض الله وجهك على هذي الاقتراحات.

لاهنت



يشرفني تواجد قلمك المبدع بين حروفي ، والرابع العزل يكون بأمور منها
إيجاد بديل جاهز للشباب مع منعهم من التواجد بالقرب من منطقة سكنية وعوائل

أما منعهم بلا بديل جميل فهذا غير كافي واقترح بالقرب من دوار المقبرة والجبال العالية

[دحوم الخالديه]

اتوقع للعوائل احسسسسن

اما اللي بالعزيزيه مالهم داعيه يخلونه للعوائل ماقد شفت عائله فيه ولا فيه دورة مياه بعد ..

[النادر]

الموقع مايصلح الا للعوائل فقط
للشباب فيه جلسات العزيزية مقابل الشلال ومقابل متوسطة الملك خالد
لاتضيقون على العالم ترى الدعوه سهله
وان مع نقاط ابو ريوف فيما ذكر خصوصا الهيئة والشرطة .

[ملك الخالديه عبود]

انا معكم لابد من تواجد الهيئه
وذلك لكثرة الشباب حول هذه المكان ولوجود بعض المخالفات الشرعيه من بعض النساء في اللباس
الله يهدينا واياكم

[عزوف]

اتمني يكون للعوائل فقط

[ورده موف]

اشكركم للردود الجميله لمافيها مصلحة الجميع
وان شاء الله تكون محل اهتمام للمسؤلين عن هالمشاريع

[ورده موف]

انا معكم لابد من تواجد الهيئه
وذلك لكثرة الشباب حول هذه المكان ولوجود بعض المخالفات الشرعيه من بعض النساء في اللباس
الله يهدينا واياكم

اخي لاتحط بذمتك شي وانت وشدراك ان فيه مخالفات شرعيه الاانك قاعد تقزقز :t169:
اتمني انا انهم يحطون حواجز بسيطه تحت الجلسات المظلله عشان ناخذ راحتنا وانتم تاخذون
راحتكم اذامريتو ماتشوفون النساء:tumaer-e46248998b:

[ملك الخالديه عبود]

اخي لاتحط بذمتك شي وانت وشدراك ان فيه مخالفات شرعيه الاانك قاعد تقزقز :t169:
اتمني انا انهم يحطون حواجز بسيطه تحت الجلسات المظلله عشان ناخذ راحتنا وانتم تاخذون
راحتكم اذامريتو ماتشوفون النساء:tumaer-e46248998b:
لمم اتكلم الا من اللي شفته ... سولها وش اكثر من كذا فتنه وانا اقول البعض والبعض حفظهن الله محتشمات ومستترات*الله يثبتهن ويصبحن قدوه للبقيه. *

[غربة وطن]

ما في تمير إلا ثيل واحد وما بعد شاف النور أنتم خلوه يعرق في الأرض وبعدين
نتفق هو عوائل أو عزاب ..
مع أن قاعدتنا في هالزمن من سبق لبق لو فيه 13000 لوحة الثقافة والوعي الاجتماعي مجنبنا
و... صباحكم سعيد

[تامر]

للعوائل
امس اشوف الهيئه واقفه عند شباب جالسين هناك وع طول مشوا

[أبـوحـمـد]

ليت والله ما تضاااايقون العوائل وليته يخصص بمنع دخول العزاب بتاااتاَ تبي تجلس الله لا يهينك فيه مواقع اخرى..

خلو العوايل تاخذ راحتها وتتنفه واحلى مافيها انها قريبه من بيوتهم...

[المهند]

بحكم أن الموقع قريب للمراجيح .. والمراجيح وضعت للأطفال ... وفي الغالب لا يحضر الأطفال للمراجيح إلا أمهاتهم .. فالأولى أن يكون مخصصاً للنساء ..

وإن كنت أرى أن يسمح فيه للشباب بعد الثانية عشر ليلاً ..

وجعلكم على القوة ...

[ورده موف]

اشكركم لمروركم وردكم
سمعت ان الهيئه جت الموقع وطلعتهم من المكان وراحو يوم راحت الهيئه رجعو ثانيه
ماادري وش المقصد من ذالك ؟؟

[أبـوحـمـد]

اشكركم لمروركم وردكم
سمعت ان الهيئه جت الموقع وطلعتهم من المكان وراحو يوم راحت الهيئه رجعو ثانيه
ماادري وش المقصد من ذالك ؟؟

فيه لوحااات راح توضع من قبل البلديه ولا زال العمل جااري لوضعها

للعوائل فقط...

واي شخص ما يتبع التعليمات راح يعاقب...

شكرا يا بلديه تمير
وشكرا يا هيئه تمير...

[ورده موف]

جزاك الله خير
مشكور

[مجروح تميم]

للــــــــــــــــــــــــــــــــــــــــــــــــ ـــــــــــــــــعوآئــــــــــــل المفروض

[ملامح صادقه]

موضوع جميل أختي وردة موف

وهالمكان مآيصلح آلآ للعوآئل بحكم المرآجيح بجأنب الثيل أم الشباب فلهم من بعد منتصف الليل بحكم سهرهم بر البيت

أم الشباب فيه أمآكن كثيره مثل اللي في العزيزيه اللي عند الشلآل

[قصايد حزن]

خلونا شوي واقعيين ترا تمير مافيها متنفس للعوائل نهائيآ وحتى لو حطوا من يرضى يجيب عياله اغلب اللي اعرفهم انسي تجلسين في تمير في مكان عوائل والسبب هذا ولد فلان وهذا علان وعياله تقولون جريمه
ودنا بس لو يحطون مركز نسائي زي المجمعه ع مدار السنه

[قالب ثلج]

انا اللي أخبره ان المضمار للخيول وش جاب العوائل والشباب فيه

[عكوش]

انا اقول للعوائل احسن وانتم يا الشباب ماشالله عليكم تقدرون تروحون للي في العزيزيه
اما احنا ما لنا الا الممشى يوسع صدورنا في الاجازه

[أبو ريوف]

اتمنى من البلدية إكمال السياج من المراجيح للثيل ويكون له مداخل محددة مع وضع لوحة تنبيه للعوائل ومنع تواجد المراهقين الشباب واللذين لهم أماكن تنفس عدة

[وافي تمير]

اتمنى من البلدية إكمال السياج من المراجيح للثيل ويكون له مداخل محددة مع وضع لوحة تنبيه للعوائل ومنع تواجد المراهقين الشباب واللذين لهم أماكن تنفس عدة

يا سلام عليك تفكيرك سليم
بيض الله وجهك دنيا واخره

[dark man]

للعوااااااااااائل ...... الشباب يطلعون لأي مكان ثاني , اللي قدام متوسطة الملك خالد , واللي بالعزيزية .... وش اللي نشبهم بهالثيل ....
عواااااااااااااااائل فقط

[دموع الشوق]

صراحة يكون للعوائل افضل بكثير

في جلسات واجد للشباب واللي بالممشى افضل للنساء

وماشاء الله الهيئة ه الايام منعت ناس واجدين

بس الله يهديهم بعض الشباب يحبون المعاند وثمين يجلسون

افضل ان توقف سيارة الشرطة جمب الممشى

اذا جا احد من الشباب منعته والمفحطين معد يجون لوجود الشرطة

[حسون تمير]

مع نفسكم بس
بلاهي وين نقعد فيه كل الاماكن استغلوها الحريم
الحريم مكانها بيتهه وشوله تتطلع عسى ماشر

[همس الجفاء]

مع نفسكم بس
بلاهي وين نقعد فيه كل الاماكن استغلوها الحريم
الحريم مكانها بيتهه وشوله تتطلع عسى ماشر


السسموحه يآخوي ممآدرينآ عننك عسسى ممآشر كل شيء صصآر للشبآب والممشى الافضضليه انه يككون للنسسآء

ووش الي ممآتطلع من بيتها ووين عايشين فيه الححن ههذآ الي ننآقص والله قآل آيش قآل مكآنها البيت . .

ععندكم المكآآن حق البندق والشلال خخذووهـ لكم :$

[وافي تمير]

مع نفسكم بس
بلاهي وين نقعد فيه كل الاماكن استغلوها الحريم
الحريم مكانها بيتهه وشوله تتطلع عسى ماشر

كثرت العقووول الصغيره في تمير للأسف

[PRESTIGE]

انا اللي أخبره ان المضمار للخيول وش جاب العوائل والشباب فيه


هههههههههههههههههههههههههههه =")

آلله من آلشطححآت يَ آلتمسسآح هع

[همس الورود]

هههههههههههههههههههههه استغفر الله
فشلتونا قطعه ثيل وفشلتونا تتهاوشون عليها

بالله عليكم كل شي تتهاوشووووووون فيه

[عاشق الهلي]

السلام عليكم

ياشباب وبنات ............

من الافضل ان يكون الثيل لنساء الانه بجانب المراجيح والشباب الله يعافيهم عندهم اماكن كثير مثل تميريه والثيل حق العزيزيه ولي قدام الملك خالد يعني بين قوسين (الشباب فالين امها )وش يبون بثيل حق المضمار:




مع تحيات اخوكم ....عاشق الهلي

[محترم باخلاقي]

حاطين لنا ثيل فل عزيزيه يابس وتقلون وش يجيبكم ف الممشى

خخخخخخخخخخخخخخخخخخخ هع وانت يلي تقول رحو الدكات

هع تعطيني حق بنزززيم مشوار اروح مناك كل يوم اخسر 10 بنزيم

هههههههههههههههههههههههههههههههه:t32::t32:

[توليب2]

معليش بالعكس على كثر تواجدي هناك ماعمري شفت مضايقه من الشباب

ومافية شي تواجدهم بالعكس مثل انا واهلي اذا جلسنا يكون اخوي قريب منا

والجلسات الي عند المراجيح ماقد شفت تواجدهم هناك الا بالثيل وهذا مافية شي

وياريت يسمح لهم الا اذا كان هناك مضايقه

[حسون تمير]

من اليوم راح تشوفوون لوحه عند الممشا مكتوب للشباب فقط لاغير نرجو عدم جيت الحريم فيه :t180:

[هايدي]

انااشوف عادي وش المشكله بياكلونكم الشباب ماذووكم ولاسوو فيكم شيء لازم تطلعون عله في كل شيء
يعني مراح ترتاحون الا لما يشيلون الثيل احمدو ربكم لقيتو شيء تقعدون فيه انتم دايم تخربون على نفسكم ياهل تمير
دايم تسوون من الحبه قبه الله يصبر الارض

[تميراوي زاحف]

ماعليش انتم شفتوا ثيل العزيزية والله العظيم انهة ياااااابس وش قالوا لكم اطلعوا من مخي بس وبعدين بلا وسوسه يالحريم اي مكان زين يحطونه للعواائل واذا الشباب اذوكم تعالوا تكلموا وبعدين بعد الساعه 12 للعيال المفروض الحريم وش يطلعهن هالحزه ماطلعن الا يبون الشر خلاص المفروض حد الحريم 11 ونص *

[كلاش تمير]

المفروض للعوايل والشباب يسدهم شلال العزيزيه ومقابل المتوسطة الملك خالد

[محترم باخلاقي]

معععع نفسككك حق العزيزيه بايخ يابس وش قالو لكك تماسيح مثلن هع

[L O R D]

والله مأعتقد فيه مضايقات بالممشى .. بس العوائل يبون المكان كلة خاص فيهم ومايبون احد يخالطهم !!

والشباب كلن ماسك زاوية له بالثيل ومتكي ومستمتع بالبراد الحمد لله مافيه اي مشاكل او مضايقات للعوائل

وان شاء الله شباب ديرتنا فيهم خير ويخافون ربهم

والله الحافظ بس لاحد يغفل عن عياله لان السيارات كثيره هناك وفيه شباب طايش حمانا الله وياكم من كل مكروه

[ام حمودي]

والله صار شغله ذا الثيل
فشلتونا عند هالعالم كن مىاحط هاثيل الا انتم
وراس مالها قطعة ثيل
عيالنا وبناتنا فيهم الخير والبركه
والي موعاااجبه يجلس بيته
سواء رجال او حرمه


:tumaer-e46248998b:

[الحنين الى تمير]

الله يهديكم بس. خالو عندكم. روح. رياضيه شباب المسلمين. فيهم. الخير والغيره والبركه

[الكابون]

والله عيب مكان الثيل الجديد خاص لنساء فقط
المفروض الوحد يستحي من نفسه فيه احد يرضاء
علا اهله يجلس جنبهم عزاب مااحد راضي مكان صاد معه مرجيح
للطفال اكرر واقول عيب المفروض تكونون اكبر من
كذا

[عبودي تمير]

وين المشكله الحين جا احد اشتكا من الشباب
او تحبون تلتون وتعجنون تررررا كها كم سبوع
وكل وحده ف بيتها جاكم رمضان فكو انفسكم من الصجه
والجه ياحبيلكم للمشاكل بس توهم حاطينه ومسوين كيذا
كنكم ماقد شفتو العيشه الحمدالله بس علا نعمت اعقل

[ماجد9]

عبودب تمير

ما شاء الله حكيم طالع

[عبودي تمير]

هع وناااااااا صادق يحبون المشاكل

[قاهر العود]

إلا من سسسسبق لـــــــبــــــق :72:

[فراوله تنقط عسل]

بكره باخذ المحش وحشه كله لا غنمنا ونستريح من الصجه 000000

[توليب2]

احول اذكرو الله وارجو تقفيل الموضوع ماله ام داعي والكل مستانس ويالله بس خلاص المكان للجميع بدون مضايقات

[برق تميرية]

البلديه بيحطون عند ثيل الممشى لوحة مكتوب فيها (خاص بالعوائل ممنوع دخول العزاب)

[تميراوي زاحف]

يحطووون بيديهم ورجليهم قاعدين قاعدين اي شي خذوه مننا وبعدين اللي يجي ويقول ثيل العزية ترى للعوائل على فكرةه

[قالب ثلج]

الحل بسيط
ليش ماتزرع البلديه كراسي والعاب اطفال في الثيل
شرط ماتشوفون احد يوطوط في
خخخخخخخخخخخخخخخ
مايحتاج لوحات وهيئات

[عبودي تمير]

انا من ناحيتي ب جلس اذا جاكم احد تعرض لكم تعالو ناقشوني :t172:

[الفتى المدلل]

خلاص يوم للعوائل ويوم للعزاب

[شبح النصر 17]

يا ناس خلو الثيل للي ما عندهم مزارع ... اتفقنا واكيد منتب لا قي الا الاجانب ما عليهم عزوبي ولا عايله و لأن تمير كلهم فلاليح ومزارعين مع العلم مزارعهم كلها شوك والمويه للنخل اولى من الثيل في المزرعه !!!:71:

[هدوء الورد]

اللي يقول للعوائل كل شي
ممكن تذكر لنا مثال واحد على الاماكن الخاصه بالعوائل
يكفيكم انتم الملاعب والاستراحات ووو .. الخ
الله يعييين العوائل على جلسة السور بس