اللي يترددون للمجمعه الدخول هنا بسسسرعه

[هواي الشاص]

السلام عليكم ورحمة الله وبركاته

انا من موضفي محافظة المجمعه ويعلم الله كل يوم امر مع ذا الطريق واقول الله يستر

تريلات ولا يعبرونك ويمشي مع المسار الي ع كيفه ويعاكس ولاهمه احد وقسم بأيات الله قدام عيني هايلكس قدامي كان مسرع ويجي راعي التريله ويديور بوجهه

انا مسكت راسي قلت الله يرحمه والحمدلله قدر يتصرف وطب رادميه ووقف شوي مع الخرشه قلت ان ديور بالحقه بالعن والديه باكستاني قسم بالله ذا الطريق حق مجازر

وكنت والله كل يوم اروح الين جا اليوم الي مابيه اجي واشوف واحد من اهل ديرتي صادم(الله يرحمه ويسكنه فسيح جنانه) صراااااااحه ياهل تمير هالامر ماينسكت عليه

قسم بالله ليتكم تشوفون الي نشوف انا ببداها من هنا وابي فزعتكم انا بكلم كل الي يترددون للمجمعه من ضمنهم اسامي بناتنا بالكليه وبندخل بها ع امير المجمعه

اللحين الي توضفو بالجامعه اكثر من سبعين غير الموضفين قبل يعني اتوقع 120 موضف بالمجمعه وكلهم يترددون مع ذا الطريق قسم بالله حرام طريق راايح فيها

وابكلم مسؤولين كبار من اهل تمير يدخلون معنا ع الأمير وبنوريه الشارع بالصوراقل شي يعدلون ذا الطريق ويحطون دوريه ثابته عند مفرق الكساره

ع العموم ماطول عليكم الي يبي يتواصل معي عبر الرسائل الخاصة لاني مادخل المنتدى كثير

[نبضك]

حسبي الله على الي ماعنده ضمير على عيال ديرته وخوف عليهم

والله شباب في عمر الزهور راحو فيها قبل طريق عشيره وسكروه الحين والحين طريق المجمعه

لين متى هالتسسيب في الطرقات واهمالها ياخي والله ارواح بششششششر راحت

جعل الله لايوفق من يدري عن الخط وخطورته وبيده شي يسسويه وساكت

[عزوف]

الله يحفظكم يارب.. وموفقين في طلبكم..

[الساطع 2004]

روحوا مع مفرق تمير للسريع طريق امن وش فيه لو زاد الوقت دام ذاك الطريق خطر ليش ندور التهلكة لانفسنا ثم نشتكي عشان فرق ربع ساعة او ازود شي يخاطر الانسان بعمره

[وافي تمير]

روحوا مع مفرق تمير للسريع طريق امن وش فيه لو زاد الوقت دام ذاك الطريق خطر ليش ندور التهلكة لانفسنا ثم نشتكي عشان فرق ربع ساعة او ازود شي يخاطر الانسان بعمره

المفروووض رديت زين على الاقل وشجعت اخوي هاوي الشاص في هذا الامر
لو فيه احد من ربعك ولا اقرباك مات لاقدر الله على ذاك الطريق ماشفت ردك كذا.....

[وافي تمير]

اخوي هااوي الشاااص انا معاااك
انا متواجد في مبنى اليحي على الشارع العام
في أدارة المتاابعه
وانا تحت امرك...


لاهنت على البااادره وبيض الله وجهك.


الــــــــى اللقــــــــــــــــــــاء

[ياقوي قلبك]

الله يحفظكم

[جروح الوفا*]

الله يوفقكم ان شاءالله

[الحنين الى تمير]

الله يحجي عليكم من كل شر ويحفظ شباب المسلمين من كل سوء ومكروه امين يارب العالمين

هدا الامر ما ينسكت عليه اكتبو خطاب يطلب فيه جميع شباب اتمير حفظهم الله وحفظ جميع المسلمين
مع صور لي هداالشارع او انشروة في الصحيفه الفيحاء الزم تطلبون بجدية ولا ما احد مجيبكم
ولا سمعكم احد ادخلو علي امير المجمعه وقدم خطبكم


والله يحفظ اولادنا وشبابنا امين

[دروب الامل]

بارك الله فيك اخوي ....... موفقيين ان شاء الله

[قاصر عنوه]

الله يحفظكم ويحفظ ابناء وينات المسلمين من الخطوط السريعه

[محترم باخلاقي]

كلامك صحيح

انا اخوي يدرس بالمجمعة وكان يتردد مع طريق بوضاء
الا يوم جى ذاك اليوم حده سواق تريلا عند تقاطع الكساره الي قبل المجمعة شال الرصيف
وتكسرت اذرعة السياره والسواق ماعبره ولا درى عنه
من بعدها صار يروح مع السريع
والحمد الله ماصار اعظم من كذا
ياخي بعرف انا وين المسئولين عن الطريق

ما اقول غير حسبي الله ونعم الوكيل

[جار القمر]

موفقين ان شاء الله
والله يحفظكم جميعا

[جنـgن رجل~]

من جد ياخوك طريق الموت بصراحه
لازم نشوف حل الى متى وحنا ساكتين

[توليب2]

الله يحفظكم

[سبحان الله!]

الله يجزاك خير اخووي ويووفقك

صراحه ماينسكت عليه الله يحفظكم

[النايف]

معك قلباً وقالبا
الى الامام
وبالتوفيق باذن الله

[بن هديب]

الله يجزاك خير ..لكن ظنك بيستجيبون لنا ولا لا ..

[ام لمياء]

يليت تقدرون تدخلون على الاميرتشتكون واحنامعكم

[هواي الشاص]

الله يجزاك خير ..لكن ظنك بيستجيبون لنا ولا لا ..



إيه نقدر ليه ما نقدر هذي اروااح مهيب لعبه
المشكله مشروعهم موقف يعني ماحولك احد قطارهم يبيله سنه زوود
أنا مكلم كذا شخص وان شاء الله مايردنا الا الامير بس نبي فزعتكم وصملتكم تكفون
حتا فيه ناس مبايض والشعب مسجلين اساميهم

الله يكتب الي فيه الخير

[فديته قلبي]

الله يوفقك اخوي

وحنا معك بالدعاء

[|| رحيـــــل ...~]

الله يستر ع الجميع
موفقين -

[Ibrahim Abdullah]

بنسبه لخط بوضه وش تبي فيه انت وكل الي يرحون مع معطيك الله السريع والله مايفرق يمكن ولا 5 دقيق واريح واضمن وكل شي وش حادك مع بوضه والله يعين ويستر بس لو يخلصون تحويلت كبري تمير كان ارتحنا النص ولكم الشكر

[بـدويـ فـاهــم]

كــلام سليم

فى مبايض تم جمع اكثر من 200 توقيــع الاسبواع لماضي للمطالبــة بتحسين الطريق و رفعت الى الجهات صاحبة االصلاحية

[أبونواف11]

نريد أفعال لا أقوال

[الصاروخ]

فقط للتوضيح ان اي مقاول يرسي عليه اعاده اصلاح طريق فائن الوزاره النقل تفرض عليه اقامه خط رديف للئستخدام الى حين الانتهاء من الطريق ولاكن الملاحض ان هذا المقاول لم يقم بعمل خط رديف ولام يراعي حاجة مستخدم الطريق اللذي يعتبر الواصل الى قرى سدير وعلى مستخدمي الطريق الرفع الى وزارة النقل لتساهل هذا المقاول في ارواح العابرين لاهذا الطريق

[ذيبة تميم]

الله يستر على عيالنا واخواناوكل مسلم من يروحون لاشغالهم والواحد حاط يده على قلبه لكن مستودعينهم الله اللي ماتضيع ودائعه والله يجزاك خير ع هالبادره وياليت صوتك يروح ويسمعه كل مسئول
ولاننسى ان ماأصابنا ماكان ليخطئنا وماأخطئنا ماكان ليصيبنا

[ابوعابد]

ياخوك ماحولك احد لي اكثر من سنتين وانا اتردد لا أمن طرق ولا مرور مايجون في ذاك الخط الا مره كل شهرين والي يقهر انهم قبل واقفين على كبري جلاجل ولا حاطين نقطه تفتيش عقب كبري معبر جمال وماتتعداهم الا معطينك قسيمه يسئلك عن كلش من رخصه ومن استماره واذا مالقا عليك شيئ استقعد عليك بحزام الامان وراك مربطته ان كانك رابطه قال وراك مضلل يعني ماتتعده الا ومعك ورقه صفراء طبعا"في الغالب التفتيش من الساعه9الى11 حيلهم علينا اجل لاحقيني من خط السريع الين بوضاء علشان يفتشني ويوم مالقاله شيئ قال يالله قشع التضليل وسواقين التريلات يسرعون ويطبون على الناس ولا يجيك قلابي محمل بحص وماغطاء صندوقه مغير حصاه يناقز في الخط ويامواترنا طايره بوية الصداديم لاكن مانقول الا حسبنا الله ونعم الوكيل:t143::t66:

[كرستيانو تمير]

روح وحنا معك والله اني اخاف من ذا الطريق

[غيمه ..!]

:t24:ربــي يعـطــيـك العــافيـه

ان شاءلله متــفوقيييـــن

[نواري$]

الله يكون بعونا ويصبرنا عليه كله خوفالله يستر

[مزاجيه]

الله يحفضكم ويسهل امركم وتلقون من يسمع لكم ويستجيب لمرادكم.

[عمراوي]

الله يعينكم والله