المساعد الشخصي الرقمي

مشاهدة النسخة كاملة : :: وادي وثيلان : أحد روافد وادي السوط :: جنوب الدلم :: 26 / 6 / 1433هـ

المهند
19 / 05 / 2012, 14 : 12 PM
http://almohndtumer.com//uploads/images/ma937a84f28.gif
مرحباً بكم ... وأسعد الله جميع أوقاتكم بكل خير ...

من خلال إجازة هذا الاسبوع ... والذي انتهت فيه الرحلات الربيعية .. وبدأت فيه الرحلات الاستطلاعية والاستكشافية .. كان الخيار نحو الجنوب .. وعلى بعد أكثر من ثلاثمائة كيلو عن مدينة تمير تقطع من خلالها عاصمة المملكة شمالاً جنوبا .. وتتعداها لتقابلك سيارات الجموس والمحملة بالفاكهة الصيفية الحبحب والطماط .. متجه نحو أرض الرياض ..

تجاوزنا الخرج باتجاه وادي الدواسر .. إلى أن اقتربنا من حوطة بني تميم .. فخرجنا نحو وادي السوط وقطعنا من خلاله طريق الرياض الحوطة الجديد بعد أن خرجنا نحو بلدة العزيزية.. إليكم التقرير المصور :

** خريطة مرفقة توضح وادي السوط ... وأحد الشغايا الكبيرة وهي وادي وثيلان .. ووقوعه بين الدلم وحوطة بني تميم وقربه للحريق ..


http://almohndtumer.com//uploads/images/m352a3d8872.png

** أحد الأمدية .. الموجودة في شعيب السوط .. منها تهيأنا لصلاتي الظهر والعصر ..

http://almohndtumer.com//uploads/images/m85bc2f8ccb.jpg

** مدخل وادي وثيلان .. وفيه معسكر للزراعة والشرطة .. وبوابة تمنع الاحتطاب داخل هذا الوادي ..

http://almohndtumer.com//uploads/images/m4b846c06ae.jpg

** بسم الله وعلى بركة الله .. تم الدخول للوادي ..

http://almohndtumer.com//uploads/images/me8b8526f74.jpg


** بداية العجائب .. كثبان رملي .. تتمركز في هذا المنطقة فقط ...

http://almohndtumer.com//uploads/images/m2dc3008942.jpg

** كشاتة .. توقفوا تحت هذه الشجرة .. وهناك قلة لوجود الكشاتة في هذا الوادي ..

http://almohndtumer.com//uploads/images/mc9c8cf240b.jpg

** عوامل تعريه ..

http://almohndtumer.com//uploads/images/m0d665daaf6.jpg

** أما الرعي .. فقد سمح به ..

http://almohndtumer.com//uploads/images/m2a19ada7fc.jpg

** لمن هم بالداخل .. فلا يسمح الآن بالدخول إلا لمن كان فيه ..

http://almohndtumer.com//uploads/images/m29515ccff8.jpg


** إحدى أشجار السمر العملاقة .. في هذا الوادي الكبير ..

http://almohndtumer.com//uploads/images/m558f8e88ae.jpg

** كان هذا الوادي يتبع لأحد الشخصيات ..

http://almohndtumer.com//uploads/images/mcb9b8dab0f.jpg
http://almohndtumer.com//uploads/images/m5cc4707d81.jpg

** فقد حماه .. ومنع الناس من الدخول فيه ..

http://almohndtumer.com//uploads/images/m2e557f9a45.jpg

** إلا أن صدر الأمر السامي .. بمنع تملك أو توزيع هذا الوادي وفتحه للمواطنين .. وحمايته من المحتطبين .. وقد كان هذا القرار قد صدر قبل أكثر من ستة أشهر تقريباً من محافظ الخرج ..

http://almohndtumer.com//uploads/images/m4eb36f1e0f.jpg

** اتخاذ مأوى للراحة وتجهيز الغداء ...

http://almohndtumer.com//uploads/images/mdd021b3988.jpg

** ظلال وارف .. وبطحاء نظيفة ..

http://almohndtumer.com//uploads/images/m6b515c7474.jpg

** وإعداد القهوة والشاي .. ووجبة الغداء ..

http://almohndtumer.com//uploads/images/m863634b2ae.jpg

** جولة رجلية .. لحين تجهيز وجبة الغداء ..

http://almohndtumer.com//uploads/images/m8a80d2e51a.jpg

** أعواد السمر .. الطازجة .. تحت لحمة الحاشي الطازجة ..

http://almohndtumer.com//uploads/images/mc96c21c25d.jpg

** بعد الغداء جولة داخل الوادي .. لنستمتع أكثر وأكثر ..

http://almohndtumer.com//uploads/images/mdaad1b4d50.jpg

** ذود من الإبل .. قد اختبأ خلف الأشجار ..

http://almohndtumer.com//uploads/images/m98733b0b17.jpg

** الدخول وسط الغابات ..

http://almohndtumer.com//uploads/images/mfe49c62585.jpg

** ونش .. داخل الوادي .. لحمل الإبل بعد شراءه ..

http://almohndtumer.com//uploads/images/m7a26e03b0a.jpg

** التفرع مع أحد فروع الوادي الشمالية .. لندخل قرابة السبع كيلو مترات ..

http://almohndtumer.com//uploads/images/m8da2fdbdfe.jpg

** ونجد .. هؤلاء الكشاتة .. قد اختاروا مكاناً داخل الوادي ..

http://almohndtumer.com//uploads/images/ma2fb342ce7.jpg

** لنصل إلى أحد الينابيع الطبيعية ..

http://almohndtumer.com//uploads/images/m19141aa23f.jpg

** مستمر .. بهذا المستوى من النبع ... حتى تمتلىء البركة .. وعليها ترد حيوانات الوادي ..

http://almohndtumer.com//uploads/images/m28198f2b85.jpg

** الإبل والغنم .. والطيور .. وغيرها .. يستفيدون من هذا النبع الجاري ..


http://almohndtumer.com//uploads/images/m66941eae4c.jpg

** وقد تم توصيله بلي .. زراعي .. من أعلى النبع ..


http://almohndtumer.com//uploads/images/m4e8c9dcbf5.jpg

** هناك المصدر .. و(اللي) يتضح أكثر فأكثر ..

http://almohndtumer.com//uploads/images/m3fae466b48.jpg

** ومن عند هذا الخزان .. تجتمع المياه ..

http://almohndtumer.com//uploads/images/m34cb2b62ca.jpg

** وقد تم تضبيطه .. وحفظه ..

http://almohndtumer.com//uploads/images/m3ca6970362.jpg

** الماء بداخل الينبوع ..

http://almohndtumer.com//uploads/images/m840bdf76fd.jpg

** الصعود .. للبحث عن المصدر الأصلي ..


http://almohndtumer.com//uploads/images/m410b240a51.jpg

** إطلالة ..من أعلى .. لأحد شغايا وثيلان ..

http://almohndtumer.com//uploads/images/m895874bb61.jpg

** وتشريفه لموقع السيارة .. والبركة المائية ..

http://almohndtumer.com//uploads/images/m3f22ad9b0c.jpg


http://almohndtumer.com//uploads/images/mefbd7dcdd3.jpg

** زلتة .. مائية .. صغيرة .. اجتمعت فيها المياه ..

http://almohndtumer.com//uploads/images/m555f008351.jpg







** وإطلالة عالية .. لصحبي .. وهم عند الينبوع ..

http://almohndtumer.com//uploads/images/m6b236966ab.jpg

** النزول .. وتجهيز شاي العصر .. والشرب من ماء النبع ..

http://almohndtumer.com//uploads/images/m6b9bbd5059.jpg

** النخيل .. وتواجدها داخل الوادي ..

http://almohndtumer.com//uploads/images/m67e839a9e9.jpg



** المشي .. بعد شرب الشاي .. والتفكر بملكوت الله عز وجل ..

http://almohndtumer.com//uploads/images/m29af7f6429.jpg

** والدخول من بين الأشجار .. الكثيفة .. والتي ستتحول بحول الله إلى غابات .. إن استمر الخير والحمى ..

http://almohndtumer.com//uploads/images/md59b44e49d.jpg

** العودة إلى وادي وثيلان الأصل .. بعد أن تفرعنا نحو إحدى الشغايا .. وللمعلومية .. فيبلغ طول وادي وثيلان قرابة الثمانين كيلاً كما ذكره من هناك ..

http://almohndtumer.com//uploads/images/m2b267cf4b8.jpg

** والتوقف ..عند أحد أهل المكارم .. في هذا الوادي وقد جهزوا حليب الخلفات والقهوة والشاي ..

http://almohndtumer.com//uploads/images/m3e1da96d71.jpg

لنخرج من هذا الوادي بعد مغيب شمس يوم الخميس .. على أمل العودة له في مربعانية الشتاء .. للاستمتاع بالهدوء والشبه الطبيعية الطازجة .. سقاه الله السيل ..

وبحمدلله وفضله .. تمت زيارة وادي وثيلان ..

تقبلوا تحياتي
المهند
تمير
28 / 6 / 1433هـ
أبـوحـمـد
19 / 05 / 2012, 28 : 12 PM
تقرير جميل ورائع وما نقص هالشعيب الا السيل والخضار..
بيض الله وجهك ولاهنت...
سُلاَفْ القَصِيدْ
19 / 05 / 2012, 52 : 12 PM
مآشآء الله وشـ هـ الوآدي آول مره آسمع عنه بس والله شكله يخوف وشلون جآء على بآلكم !
تسلم والله على التقرير المميز والمعلومه الوآفيه عنه ومآقصرت
والحمدلله على سلآمتكم ..
قصائد
19 / 05 / 2012, 55 : 12 PM
كعادتك دائما تتحفنا بأماكن جميله وجديده

المهند سلمت يمينك على هذا التقرير الرائع بروعة صاحبه

ونحن بشوق بنتظار رحلتك القادمه
الموادع
19 / 05 / 2012, 29 : 01 PM
ماشاء الله عليك ايها الرحال المهندي
رحله استمتعنافيها بتقريرك وتغطيتك المميزه للرحله عيشتنا جو رحلتكم
والله يونسكم ويوسع صدوركم وبنتظار باقي استكشافاتكم
والحمدلله على السلامه ودمتم ومن معك بخير
راجح الاوزان
19 / 05 / 2012, 04 : 02 PM
يعطيك العافية
يالمهند على التقرير
شعيب نظييييييف
وطلاحه خضر وكبار
اتوقع ان طوله 60 كيلو
بس مسكر ولاله الا مدخال واحد فقط
ويمنع الاحتطاب فيه
بيض الله وجهك


لوك مصور روضه الهجله نشوفها يم الرغيب

تسسسسسسسسسلم
المتحـ2007ـد
19 / 05 / 2012, 29 : 05 PM
ما شاء الله

رغم بعده الا انه ممتع بكبر اشجاره وارضه الرمليه

وجباله المميزه بأشكالها الرااائعه

وينابيعه التي تخرج من جوف ارضه

كل الشكر لك على هذا الطرح الرااائع والمميز

والحمد لله على السلامه
ابوتركيT
20 / 05 / 2012, 19 : 10 AM
والله منطقه بارده ونظيفه وقليله من الكشات

واحلاء مافيه ممنوع الاحتطاب

الله يعطيك الف عافيه

..
كلاش تمير
20 / 05 / 2012, 53 : 10 AM
طلعه موفقة يالمهند
ابدعت في اعداد التقرير المميز والمعلومات الشاملة للوادي
كفيت ووفيت
المهند
20 / 05 / 2012, 06 : 11 AM
تقرير جميل ورائع وما نقص هالشعيب الا السيل والخضار..
بيض الله وجهك ولاهنت...

مرحباً أبوحمد ..

أما الخضار ففيه خضار لكن خفيف وما يذكر ..

أما السيل فهو من عند الله .. وفيه آثار واضحة لجريانة ..

في الشتاء شيء ثاني هالشعيب ..
المهند
20 / 05 / 2012, 09 : 11 AM
مآشآء الله وشـ هـ الوآدي آول مره آسمع عنه بس والله شكله يخوف وشلون جآء على بآلكم !

تسلم والله على التقرير المميز والمعلومه الوآفيه عنه ومآقصرت
والحمدلله على سلآمتكم ..


الله يسلمك ..

وأنا ثاني مرة أسمع عنه .. وما ظهر صيته إلا بعدما طلع اللي حاميه .. وحمته الدولة ..

وهو وحيش .. وما يستغرب يصير مسكون لأنه ما يندخل أول ..

شكراُ على الحضور ..
المهند
20 / 05 / 2012, 10 : 11 AM
كعادتك دائما تتحفنا بأماكن جميله وجديده

المهند سلمت يمينك على هذا التقرير الرائع بروعة صاحبه

ونحن بشوق بنتظار رحلتك القادمه

سلمتي يا قصائد ولا هنتي ..

شكراً لحضورك الجميل .. وبورك فيك ..
المهند
20 / 05 / 2012, 12 : 11 AM
ماشاء الله عليك ايها الرحال المهندي

رحله استمتعنافيها بتقريرك وتغطيتك المميزه للرحله عيشتنا جو رحلتكم
والله يونسكم ويوسع صدوركم وبنتظار باقي استكشافاتكم
والحمدلله على السلامه ودمتم ومن معك بخير


مرحباً بك .. ومراحب .. أخوي الموادع ..

الله يسلمك .. ويعافيك ..

شاكر لك حضورك الجميل ..
المهند
20 / 05 / 2012, 24 : 11 AM
يعطيك العافية
يالمهند على التقرير
شعيب نظييييييف
وطلاحه خضر وكبار
اتوقع ان طوله 60 كيلو
بس مسكر ولاله الا مدخال واحد فقط
ويمنع الاحتطاب فيه
بيض الله وجهك


لوك مصور روضه الهجله نشوفها يم الرغيب

تسسسسسسسسسلم
الله يعافيك ويسلمك .. أخوي راجح ...
وما شاء الله عليك شكلك خبير في هاك المنطقة .. وعساك راعي صيد في المحميات .. وواضح من اسمك أنك قد صدت وعل أو أرانب ...

ياليت تفيدنا أكثر وأكثر عن مناطق جميلة في تلك المنطقة .. لأني ودي هالصيفية أقطعها فيها ..

وبعدين روضة الهجلة هذي وش وضعها .. ووش شجرها ونبتها ...

بارك الله فيك ..
المهند
20 / 05 / 2012, 24 : 11 AM
ما شاء الله


رغم بعده الا انه ممتع بكبر اشجاره وارضه الرمليه

وجباله المميزه بأشكالها الرااائعه

وينابيعه التي تخرج من جوف ارضه

كل الشكر لك على هذا الطرح الرااائع والمميز

والحمد لله على السلامه


هلا بك أخوي المتحد ..

ما يضر تغير شوي .. بدال ما تروح للشمال غير ورح جنوب ..

أو اصبر لين يجي البراد .. يمكن تصير أزين ..

الله يسلمك ويعافيك ..

لاهنت ..
المهند
20 / 05 / 2012, 26 : 11 AM
والله منطقه بارده ونظيفه وقليله من الكشات

واحلاء مافيه ممنوع الاحتطاب

الله يعطيك الف عافيه

..

هلا أبو تركي ..

لا تصدق أنها باردة مرة .. يعني مثل جونا ..

أما الاحتطاب فمالك إلا تشب في مكانك .. ولا يسمح بأخذ عود واحد ..

عافاك الله
المهند
20 / 05 / 2012, 28 : 11 AM
طلعه موفقة يالمهند
ابدعت في اعداد التقرير المميز والمعلومات الشاملة للوادي
كفيت ووفيت

الله يوفقك يا كلاش تمير ..

شكراً لحضورك .. والله لا يهينك ..
زمان الصمت
20 / 05 / 2012, 13 : 12 PM
تقرير جميل ورائع يا المهند وبيض الله وجهك ولاهنت...
أبومساعد
20 / 05 / 2012, 55 : 05 PM
http://almohndtumer.com//uploads/images/m558f8e88ae.jpg

سبحان الله يالمهند ذكرتني بماوكلي الله يذكره بالخير خخخخ
ماشالله علييك طلعت توسع الصدر ويكفي الوجيه الطيبه الي معك
الله يوسع صدرك بالعافيه
الشقردي
21 / 05 / 2012, 40 : 08 AM
ماشاء الله رحلة موفقة وشعيبن طيب

لو أن شعبانا تحما مثل الارطاوي والشوكي كان الشبعان تهول وماذبحنا الا القطع والاحتطاب الحائر

والله يعطيك العافية فارلكم البيرق هع
المهند
21 / 05 / 2012, 41 : 09 AM
تقرير جميل ورائع يا المهند وبيض الله وجهك ولاهنت...


الأروع حضورك أخوي زمان الصمت ..

شكراً لك ..
المهند
21 / 05 / 2012, 43 : 09 AM
http://almohndtumer.com//uploads/images/m558f8e88ae.jpg

سبحان الله يالمهند ذكرتني بماوكلي الله يذكره بالخير خخخخ
ماشالله علييك طلعت توسع الصدر ويكفي الوجيه الطيبه الي معك
الله يوسع صدرك بالعافيه

آمين ... الله يجزاك خير يا أبو مساعد ..

لكن مالقيت غير ماوكلي .. يا قدمك قدماه .. ذكرتنيه أبدور حلقاته في النت ..

شكراً لحضورك ..
المهند
21 / 05 / 2012, 45 : 09 AM
ماشاء الله رحلة موفقة وشعيبن طيب

لو أن شعبانا تحما مثل الارطاوي والشوكي كان الشبعان تهول وماذبحنا الا القطع والاحتطاب الحائر

والله يعطيك العافية فارلكم البيرق هع

الله يعافيك أخوي الشقردي ...

الحمى ما جاء في شيء إلا زانه .. وما ذهب عن شيء إلا شانه ..

المشكلة حموا الدهناء .. وانقض الحطابة على الشوكي والأرطاوي ...

لاهنت على الحضور ..
راجح الاوزان
21 / 05 / 2012, 07 : 11 AM
الله يعافيك ويسلمك .. أخوي راجح ...
وما شاء الله عليك شكلك خبير في هاك المنطقة .. وعساك راعي صيد في المحميات .. وواضح من اسمك أنك قد صدت وعل أو أرانب ...

ياليت تفيدنا أكثر وأكثر عن مناطق جميلة في تلك المنطقة .. لأني ودي هالصيفية أقطعها فيها ..

وبعدين روضة الهجلة هذي وش وضعها .. ووش شجرها ونبتها ...

بارك الله فيك ..


الله يسلمك اخوي المهند ..

الشعيب هذا من افضل الشعبان من جهتي وقد ذهبت الية اكثر من 5 مرات اول مافتح ياكثر القناصه فية وكان فية رزق
يبيلك يومين او اكثر للتجوال بة

اما روضة الهجلة تقع بجانب الرغيب طريق الخفس روضة جميلة بجانب النفود وبالوسط بحيرة مثل الخرارة تماما التي بالمزاحمية تماما
المهند
21 / 05 / 2012, 19 : 01 PM
الله يسلمك اخوي المهند ..

الشعيب هذا من افضل الشعبان من جهتي وقد ذهبت الية اكثر من 5 مرات اول مافتح ياكثر القناصه فية وكان فية رزق
يبيلك يومين او اكثر للتجوال بة

اما روضة الهجلة تقع بجانب الرغيب طريق الخفس روضة جميلة بجانب النفود وبالوسط بحيرة مثل الخرارة تماما التي بالمزاحمية تماما

ما شاء الله تبارك الله ..

أكثر من خمس مرات من يوم فتح .. أجل شهرياً تروح له ..

طبعاً من مداخلتك الأولى وهو واضح أنك من أهل القناصة .. وهالشعيب ما يحرص عليه إلا القناصة أكثر .. لكن الظاهر هالحين ممنوع عقب الحمى .. ولو رميت تبي تلج بك هالضلعان وتفضحك ..

طيب روضة الهجلة .. هل لا زال فيها ماء .. وكم بعدها عن الرغيب .. والرغيب هذي وينها عن هجرة العزيزية ..

انتظر ردك .. فوجودك في هذا الموضوع إثراء له ...
النادر
22 / 05 / 2012, 10 : 10 AM
يعطيك العافيه اخوي المهند وكالعاده سكر بزيادة تقرير ولا اروع
والله هالشعيب عجيب خصوصا الماء الي فيه سبحان مدبر الكون
والله يعطيك العافيه ويحفظك وين ماكنت
راجح الاوزان
22 / 05 / 2012, 46 : 01 PM
ما شاء الله تبارك الله ..


أكثر من خمس مرات من يوم فتح .. أجل شهرياً تروح له ..

طبعاً من مداخلتك الأولى وهو واضح أنك من أهل القناصة .. وهالشعيب ما يحرص عليه إلا القناصة أكثر .. لكن الظاهر هالحين ممنوع عقب الحمى .. ولو رميت تبي تلج بك هالضلعان وتفضحك ..

طيب روضة الهجلة .. هل لا زال فيها ماء .. وكم بعدها عن الرغيب .. والرغيب هذي وينها عن هجرة العزيزية ..




انتظر ردك .. فوجودك في هذا الموضوع إثراء له ...






لا ابد استدخل شوي في الشعيب وبتلقى فيه القميري لكنة مستوطن
الواحد ودة يرمي في ذاك الجهات لكن مشكله الكشاتة بعضهم يستدخل
مشكله الرمي حولهم ..

اما روضه الهجله تبعد عن البان العزيزية 11 كيلو تقريبا
وانت طالع من الشعيب مع طريق الحوطه اتجاهك الرياض
تجيك البان العزيزية على اليمين بعدها محطة لف يمين بعد المحطة
سيييييييدة بيجيك T خذ يمين معه
امش 3 كيلو بتجي نفود على يمينك ويسارك اول ماتنتهي النفود
لف يسار خل النفود على يسارك امش مسافه 2كيلو مع النفود
بتجي في وجهك وشكرا :t24:
المهند
22 / 05 / 2012, 57 : 01 PM
يعطيك العافيه اخوي المهند وكالعاده سكر بزيادة تقرير ولا اروع
والله هالشعيب عجيب خصوصا الماء الي فيه سبحان مدبر الكون
والله يعطيك العافيه ويحفظك وين ماكنت

عافاك الله أخوي النادر ...

السكر والزين ما يكتمل إلا بوجودك ...

الماء حياة في كل شيء .. وما تجي في موقع إلا وتجيب له الحياة ..

جزاك الله خير على دعواتك ...
جار القمر
22 / 05 / 2012, 59 : 01 PM
ماشاء الله
رحلة ممتعة .. متعك الله بشبابك وحفظك من كل سوء
سجل مروري وتقديري واعجابي
عزوف
23 / 05 / 2012, 35 : 07 AM
ماشاء الله تقرير مميز كالمعتاد

وريحة السمر تشق الخشم اجل

بارك الله في هذا النبع وبارك الله فيكم..
المهند
23 / 05 / 2012, 17 : 08 AM
لا ابد استدخل شوي في الشعيب وبتلقى فيه القميري لكنة مستوطن

الواحد ودة يرمي في ذاك الجهات لكن مشكله الكشاتة بعضهم يستدخل
مشكله الرمي حولهم ..

اما روضه الهجله تبعد عن البان العزيزية 11 كيلو تقريبا
وانت طالع من الشعيب مع طريق الحوطه اتجاهك الرياض
تجيك البان العزيزية على اليمين بعدها محطة لف يمين بعد المحطة
سيييييييدة بيجيك T خذ يمين معه
امش 3 كيلو بتجي نفود على يمينك ويسارك اول ماتنتهي النفود
لف يسار خل النفود على يسارك امش مسافه 2كيلو مع النفود
بتجي في وجهك وشكرا :t24:



ما شاء الله تبارك الله ...

معلومات جديدة ... وتتجدد مع كل رد ...

لا أخفيك أني شفت حمامه وأقرب مالها قميرية على قولتك لكن الربع ما صدقوني .. يقولون وش يجيبه في هالضلع ...

طيب أشوف الكشاتة شويين .. يعني دخلنا وطلعنا ما شفنا إلا ثلاث أو أربع نزلات .. تتوقع ما يجي للبندق صدى بين هالضلعان .. ويوصل صوتها عند الحماية ...

وما شاء الله توصيفك .. لروضة الهجلة كنك توصف روضة الخشم .. شكلك باخص ذيك الأرض كلها ..

على طاري ألبان العزيزية .. يذكرون أنها هي اللي فيها حمام القميري المستوطن ...

أشكر لك رحابة صدرك ..
المهند
23 / 05 / 2012, 18 : 08 AM
ماشاء الله
رحلة ممتعة .. متعك الله بشبابك وحفظك من كل سوء
سجل مروري وتقديري واعجابي

يا مرحباً بك أخوي جار القمر ..

الله يمتعنا وإياك بالصحة والعافية ..

حيااك ربي ...
المهند
23 / 05 / 2012, 26 : 08 AM
ماشاء الله تقرير مميز كالمعتاد

وريحة السمر تشق الخشم اجل

بارك الله في هذا النبع وبارك الله فيكم..

الله يبارك فيك أختي عزووف ... والله يطرح البركة في هالنبع ويزيد ..

ريحة السمر طازجة .. من الشجرة إلى الضو ..
تماماً كقولهم ... من المزرعة إلى المائدة ...

شكراً لحضورك ..
راجح الاوزان
23 / 05 / 2012, 13 : 03 PM
ما شاء الله تبارك الله ...

معلومات جديدة ... وتتجدد مع كل رد ...

لا أخفيك أني شفت حمامه وأقرب مالها قميرية على قولتك لكن الربع ما صدقوني .. يقولون وش يجيبه في هالضلع ...

طيب أشوف الكشاتة شويين .. يعني دخلنا وطلعنا ما شفنا إلا ثلاث أو أربع نزلات .. تتوقع ما يجي للبندق صدى بين هالضلعان .. ويوصل صوتها عند الحماية ...

وما شاء الله توصيفك .. لروضة الهجلة كنك توصف روضة الخشم .. شكلك باخص ذيك الأرض كلها ..

على طاري ألبان العزيزية .. يذكرون أنها هي اللي فيها حمام القميري المستوطن ...

أشكر لك رحابة صدرك ..



مأظن انهم ببيشددون على السلاح لانك اذا استدخلت جوا الشعيب ماحد حولك
هم يشددون فقط على منع الاحتطاب حتى لو معك عود قالوا نزلة

والكشاتة قلوا بكثير وبقوة من دخل الصيف والشعيب قليل اللي يكشت فية
احسن يارجال ناخذ راحتنا >>>>> :medfa3:

يبيلك جوله في هالشعبان تراها زينة كل شعبان الخرج وجنوبة جميله بكثير من شعبانا بالديرة
خاصه شعبان الحوطه الدريعي والغلغل وشعيب مطعم

اما البان العزيزيه مالي علم بها صراحة :111:

والشكر موصول لك وعلى موضوعك المتميز
دمت بخير ..
المهند
26 / 05 / 2012, 43 : 08 AM
مأظن انهم ببيشددون على السلاح لانك اذا استدخلت جوا الشعيب ماحد حولك
هم يشددون فقط على منع الاحتطاب حتى لو معك عود قالوا نزلة

والكشاتة قلوا بكثير وبقوة من دخل الصيف والشعيب قليل اللي يكشت فية
احسن يارجال ناخذ راحتنا >>>>> :medfa3:

يبيلك جوله في هالشعبان تراها زينة كل شعبان الخرج وجنوبة جميله بكثير من شعبانا بالديرة
خاصه شعبان الحوطه الدريعي والغلغل وشعيب مطعم

اما البان العزيزيه مالي علم بها صراحة :111:

والشكر موصول لك وعلى موضوعك المتميز
دمت بخير ..



هلا راجح ..
غريبة أذكر أن فيه لوحة تحذر من صيد الأرانب والوبران في الوادي .. فأكيد السلاح ممنوع ..
اشعيب الدريعي والغلغل ومطعم ..

هذي وش فيها من مميزات ..

الشكر لتواصلك وتجاوبك ..
توليب2
27 / 06 / 2012, 41 : 02 AM
تقرير رائع منك اخوي
قالب ثلج
30 / 06 / 2012, 00 : 01 AM
http://almohndtumer.com//uploads/images/m558f8e88ae.jpg

كني بك قاعد تهوجس بسيرلانكا
وش جاب لجاب خخخخخخخخخخخخخخ
الا ابسالك الغصن طايحن من مبطي والا منك
اماااال
04 / 07 / 2012, 30 : 09 PM
ماااشااااءالله
المهند
07 / 07 / 2012, 00 : 09 AM
تقرير رائع منك اخوي


شكراً توليب .. على حضورك .. لاهنت ..
المهند
07 / 07 / 2012, 21 : 09 AM
http://almohndtumer.com//uploads/images/m558f8e88ae.jpg

كني بك قاعد تهوجس بسيرلانكا
وش جاب لجاب خخخخخخخخخخخخخخ
الا ابسالك الغصن طايحن من مبطي والا منك

هلا بالتمساح ... راحت سيرلنكا ... وجاب الله الهند ..

أما هالغصن فما طاح إلا يوم رقيته .. وهذي وسيلة احتطابية جديدة ... كودهم ما ينتبهون لها ...
المهند
07 / 07 / 2012, 21 : 09 AM
ماااشااااءالله


شكراً لدعوتك ..
ابو زياد
01 / 08 / 2012, 01 : 05 PM
يعطيك العافيه ع الموضوع
شفته
05 / 08 / 2012, 39 : 06 AM
جزاك الله خييييييييييير
شفته
05 / 08 / 2012, 40 : 06 AM
جزاك الله خييييييييييير ,,,
شفته
05 / 08 / 2012, 42 : 06 AM
جزاك الله خييييييييييير ......
وله الامطار
05 / 08 / 2012, 26 : 04 PM
يعطيك العافيه ع الموضوع
لميس
18 / 08 / 2012, 10 : 08 AM
ماشاءالله رحله رووعه وتصويرك خطيير يالمهند
تسسلم ايدينك يالطيب
لاتحرمنا رووعة تقآريرك:)