لاحياة لمن تنادي ( احترامي لادارة ثانوية تمير )

[دموع الشوق]

بسم الله الرحمن الرحيم

السلام عليكم ورحمه الله وبركاته

ابدخل الموضوع على طول :

الكل يعلم انا هذه الايام درجة الحرارة عالية جدا ومن المستحيل للاشخاص ان يخرجوا في الشمس

لاكن تخيل نفسك في فصل يوجد به 22 طالب والفصل مكيفاته مايطلع الا هوا حار وتقعد اربع ايام على هذه الحاله

في هذه الحاله كلمنا ادارة ثانوية تمير خاطبناهم باليوم الاول قالوا : بكرة تجون وتلقونه زين

جئنا في اليوم التالي تفاجئنا ان المكيفات مازالت خربانة : خاطبناهم قالو : اصبروا بعد شوي الى الحصة السادسة وقالو مابقي الا حصة بكرة تجون وتلقونه زين

وجينا في اليوم التالي وايضا تفاجئنا الجو حار كيف نتحمل ,, خاطبناهم قالو : العمال في الطريق , لين ماجت الحصة السابعه والعمال في الطريق .... مساكين العمال ماسكين خط مكه ..

وجئنا في اليوم الرابع وكلمنا احد الاداريين ( احتفظ انا باسمه ) قال لي : احسن لكم الجو حار وتراكم ازعجتونا واذا كنتم تبغون المكيفات تتصلح تجون قبل ماتبدا الحصة

الاولى وتفكونها وتركبونها موتر واحد من فصلكم وتزيينونها وعلى حسابكم وبس ريحو انفسكم . واذا كنتم تبونها يصلحونها الوزارة اصبروا شهرين ...

هل معقول ان الوزارة لاتهتم في المدارس


لاكن انا ماصدقت اداري يقول هذا الكلام انا استغرب يعني مايبيلها تكلفة عمال جيبوهم ويصلحونها ولا يحتاجون الى تكلفة كثيرة لماذا كل هذا العجز في ادارة ثانوية تمير

طيب كيف نتحمل الايام القادمة مع العلم ان درجات الحرارة في الايام القادمة سوف تتزايد وايضا كيف ننتبه الى المراجعات حقت الاختبار النهائي في الجو الحار

حتى المدرسين يقولون لنا لاتدرسون لين مايصلحونها ..

اوجه رسالة الى ادارة ثانوية تمير

نحن لانريد منكم الا فقط تصليح المكيف اللي له اسبوع ماحليتو المشكلة ,, والله يجماعة كفخنا حر في الفصل.

الله يعينا وبس والله يصبرنا ع الجاي

[تميراوي نت 2011]

رسالة الى مدير مدرسة حطين

عندي سؤال لمدير عام إدارة التربيه والتعليم لمحافظة المجمعة
صيانة وتصليح المدارس من المسؤول عنها أنت أو مدير أو مديرة المدرسه ؟؟
لقد زرت من فتره قريبه مدرسه من مدارس تمير
هي (مدرسة حطين بتمير) بحي العزيزية
الشي إلي شفته تدمع به الأعين ويحن بها القلب والله بعض الصفوف الموجوده في هذه المدرسه فيها مكيفات خربانه ماتشتغل ضعيف جداً والله حرام لو تشوفو حالة الطلاب تدمع أعينكم الحر يجري جري من المسؤول عن هذا أين الجهة المعنيه أين لجنة مراقبة صيانة المدارس المدير يتبرأ من جهه والمعلمين يتبرون من جهه أخرى والضحيه هي الطالب المعلم يجلس 45 دقيقه في الصف والطالب يجلس 7 ساعات في الصف بدون مكيف وبدون مروحه :t167:
لقد سألة مدير المدرسه لماذا لم يتم صيانة مكيفات المدرسه ماشاء الله على رد المدير لي البرد جاي مايحتاج مكيفات ونفس الشي هذا ليس من شئوني ولست مسؤول أنا عنه بل مسؤول عنه إدارة التربيه والتعليم هذا كان رد مدير المدرسه وفي علمي أنا إلي أعرفه إن مدير المدرسه هي المسؤوله عن المعلمين وعن الطلاب والمدرسه من تصليحها وصيانتها لانها هي همزة الوصل بين المدرسه وإدارة التربية
وإذا كان ماعندك المقدره والمسؤولية تمسك مسؤولية هذه المدرسه فيه معلمين يقدرن يمسكونها .
هذا ولكم جزيل الشكر
ما اقول الا (ان لله وان اليه راجعون):36:a

[دموع الشوق]

الله يعين الحال

السؤال هنا: من هو المسئول عن اصلاح المكيفات بالمدارس ؟

[توليب2]

؟؟؟؟؟؟؟ لاحياةلمن تنادي

[» اِلـَوَفْآءْ بـِنْـتْ]

الله يكونَ بَ العونْ ,
الحرَ لآ يطآقَ , وزين لكمَ أسبوع متحمليَن بعضكم في هـ الكفخة ..!
مآلكم الآ أن تفكونَ المكيفَ وتصلحونة ,

[اخبارها ايامك]

يؤ كلش والا الحر لوه مكيفهم هالاداره في اقل من ثانيه صلحو العطل الي فيه
حرام عليهم
قدمو شكوى وارتاحو

[اابو عزوز]

خذو مكيفنا ثالث طبيعي اول المكيف اللي ورا ذبحنا البرد

[هذي انا]

عاااادي هذا الجو مابعد تأقلمتوا معه
واذا جااابوو مكيف جديد تمووووت من البرررد ماااعندهم وسط هالمدااارس
وعاااد لا اوصيك اذا جبتوا عمال ارسلوووهم لنا في الرياااض يصلحووون المكيف

[دموع الشوق]

اليوم اتى احد الاداريين وشالو المكيفات

الحصة الثالثة وجابوها الحصة السادسة مع العج والحر

تتوقعون صلحوها ؟

انا اقول لا

شغلنا المكيف الاول وهواة حار نفس المشكلة الظاهر غسلوه وجابوه مادروا انه ناقص له فريون

والمكيف الثاني حار بس اذا حطيتها على منخفض طلع بارد واذا حطيته على عالي او متوسط يعني يطلع حار

يعني نحط كل املنا في المكيف البارد المنخفض والله يصبرنا

ومازال طلاب الفصل يردوون

ياحر ماطولك

[اابو عزوز]

فصلنا عكس فصلكم
تقول ثلاجه خضره

[هذي انا]

ههههههههههههههههههههههههههه

احمدوا ربكم بس
وخلاااص مابقى شي وتجي الاجااازه

[» اِلـَوَفْآءْ بـِنْـتْ]

فصلنا عكس فصلكم
تقول ثلاجه خضره

ثلاجة خضرآء .. !؟ http://www.tumaer.com/vb/images/icons/icon10.gif
ليتَ منَ يتسلفه منكم ..!

[عزوف]

الله يكون بالعون

[الفدائي]

الله يكون بالعون

[امورة تمير]

الله يعينكم بس ‘وشو مكيف يصلحونه وبس وش يضرهم الحمد لله والشكر

[عبوووود]

إن لله وإنا إليه راجعون
كل هاذا عجز في إدارة المدرسة وين المسؤول ! وين الرقابة??!!

[تميراوي نت 2011]

المشكلة ما ودنا نفشل مدرستنا ...

انا امدحها عشان محد يقول شي ويضحك علينا وما اقول الا "ان لله وانا اليه راجعون " ودي ادري وش له مدير المكيف له يمكن اقل شي 13

مته بس تخلص المدرسة الجديدة بس :image720: