معاً لرقي مدينتي الغالية تمير(الجلسات والروضات)

[الشقردي]

السلام عليكم ورحمة الله وبركاته

صبحكم الله بالخير يالنشاما


عندي موضوع وهو دكات وجلسات الشباب واهالي تمير انا استغربت من الجلسات قلبتها البلدية كلها عوائل على الاقل اللي يمين شباب واللي يسار عوائل تقولون لا فية دكات شباب في بوابة تمير واقول جزاكم الله خير زينة وحركات الماء تغسل منوه زينة بس اذا هبت شمال جانا ريحة الدواجن اعوذ بالله يا انكم تشيلون الدجاج والا انكم تحطون دكات جديدة ومكانها زين حول الديرة

وفية حاجة ثانية الله يعافيكم يامسئولي البلدية روضة الخشم لية ماتمر البلدية على الاقل كل شهر لتنظيف الروضة وتلقيم الاشجار والعناية بها لتنزة المواطن بها الديار الاخرى يهتمون بالروضات القريبة لهم ويحمون بالنظافة والتقليم للروضات المجاورة والجميلة


هذي وجهة نظري وارجوا ووصولها وتنفيذها فضلاً لا امراً من مسئولي البلدية


والله يحفظكم ويرعاكم

[عبوووود]

موضوع جميل ويستحق الرد
والله انك صادق بس وين المسوؤل؟

[وادي سدير]

عاد ضاق البر يالشقردي كل عمرنا ماعندنا دكات وماشفنا شر وماشفت إلا الدواجن ماشفت مكب الزبايل جنبك قريب

[المتحـ2007ـد]

الدكات اللي عند الدروازه زينه بس فيه ريحة مكب الزبايل والله ياهو يحشرك حشر

واما الجلسات حقت الشلال ما سوت البلديه خير فيها يوم قلبوها للعوائل

تقدر البلديه تسوي دكات وشلال في الجهه الثانيه للشلال وتكوم خاصه للعوائل

مهوب كل شي عوائل عوائل مع ان جياتي لها قليله لكن نحتد بعض المرات

لابد من البلديه تعيد النظر في هذا الامر

كل الشكر لك يا الشقردي على هذا الطرح

[الشقردي]

موضوع جميل ويستحق الرد


والله انك صادق بس وين المسوؤل؟



عاد ضاق البر يالشقردي كل عمرنا ماعندنا دكات وماشفنا شر وماشفت إلا الدواجن ماشفت مكب الزبايل جنبك قريب




الدكات اللي عند الدروازه زينه بس فيه ريحة مكب الزبايل والله ياهو يحشرك حشر






واما الجلسات حقت الشلال ما سوت البلديه خير فيها يوم قلبوها للعوائل



تقدر البلديه تسوي دكات وشلال في الجهه الثانيه للشلال وتكوم خاصه للعوائل



مهوب كل شي عوائل عوائل مع ان جياتي لها قليله لكن نحتد بعض المرات



لابد من البلديه تعيد النظر في هذا الامر



كل الشكر لك يا الشقردي على هذا الطرح





شكراً لك ياعبووود على المداخلة الجميلة



وشكراً لك ياوادي سدير على المداخلة القميلة



والله يعطيك العافية يالمتحد واشكرك على مداخلتك الطيبة وصدق انك جبتها وياليت يعيدووون النظر في ان الجلسات كلها للعوائل ومكشوفة بعد ياليت انها مسترة بشجر وخاصة مرتزاتن كلهن



وعلى قولتك لوهم في الجهة الثانية صادين وجلساتهم عوائل يحطون شلال والي يبون ويخصصون المكان لهم



وياليتهم بعد الروضات واهم شي روضة الخشم يناظرونها ويقلمونها وينظفونها على الاقل كل شهر مرة



والله يعطيكم العافية وحفظكم الله

والله يجيب السيل ولو بالليل:71:

[توليب2]

ان شاء الله يوصل صوتك للمسولين وبالتوفيق لك

[زمان الصمت]

موقع الدكات للعوايل خطا
والدكات الي عند البوابه ما تصلح ريحه
فنظريتك صحيحه يالشقردي
والمسؤلين لابد من اعادة النظر فيها

[الشقردي]

ماعندك احد والله يعطيكم العافية

[الموادع]

الشقردي كتبت عني ماكان بودي قوله وانا معك
اكثر مايجي للدكات الشباب والعوائل قليل فصعبه تقلب كلها للعوائل
والدكات اللي عند البوابه انا اسميها دكات المشافيح او الملاقيف
كل من راح او جاء نقول هذا ولد فلان جاي وهذا ولد فلان رايح وووووإلـخ
غير الروائح والمهاب اللي تجي وياليت البلديه تشيل الدكات اللي عند البوابه وتستبدلها بمناظر جميله
والله يكتب لنا ولكم بمافيه صالح للبلد وبما ان تمير اصبح محافظه يجب على البلديه اظهار البلد بالمظهر الحسن
وكل ابن آدم خطآء وياليت يستعينون بأفكار بعض البلديات المجاوره لتمير ودمتم بخير

[صمتــي ذبحنــي]

الله يعييين .. ويوصل صوتك
اللي يشوف يقول مليانه كل يوم عوآئل :182:
وبالتوفيق لك ’,

[كاسر الصمت]

اشكورك على ملاحظتك الحلوه
واحب ان اوضح ان مشروع الدواجن الذي تخرج منه الرائحه من اختصاص وزاره الزراعه و البلديه غير مسؤله عن ذلك

[الامبراطور 15]

لارجال تسيره أمراه (والي يافهم يافهم)
اصلن أكثر شي في تمير الجلسات(الدكات)مادري وشواله بصراحه تفكير غبي
والي ياحط الدكات مافي راسه تفكير والبلديه كل وحد أنا افهم وانا الي أعرف وأنا الذكي
يعني لو ياحطون مثل الروضه (حديقة الملك فهد )أسمها اتوقع حلوه وحقت عوائل صح

[هاوي المزن]

ههههههههههههههههههههههههههه:t32:
قويه عوائل في وسط الديره لا ومقاااابل جلسات الشباب والله خووووش بلديه :t169: ووووو:t18:
ما فيه تخطيط ولا شي خط برجلك ............:70:

[دحوم الخالديه]

ي رجآل ماقهرونآ آلآ جلسآت آلشلآل يوم يحطونه للعوآل
يسمعون بالعوائل ذولآلآلآ..

البلديه من خبرتها وهي من فشل الى فشششششل..~