ليش بناتنا مايطبقن في مدارسنا

[ابوعابد]

بسم الله الرحمن الرحيم السلام عليكم ورحمة الله وبركاته ندخل على طول في الموضوع ليش بناتنا ياهل تمير يطبقن في الحوطه ولا في الخطامه اوالعوده او الروضه ولا يسمح لهن بالتطبيق في تمير بحيث يسمح لاأهل جلاجل التطبيق في جلاجل والحوطه في الحوطه الا بنات تمير مايسمحون لهن والعذر معروف المراقبه موب فاضيه تضرب مشوار لتمير مع العلم ان فيه اكثر من طالبه من طالبات تمير يطبقن في ديار سدير لاكن ماقول الا حسبي الله

[كلاش تمير]

صدقت ياابوعابد المفروض كلن يطبق في ديرته والمراقبة هذي شغلتها تروح إلى أي محل فيه شغلها حتى لو مافيه إلا طالبة وحدة وشكرا

[مصرقعهـ بقوهـ]

صدقت والله والله كلامك ع الجرح
وتخيل بعد ويمكن ماتنجح في التطبيق والتعيد السنه كامله عشانها مافلحت زين
شفت القهر اطارد ورا هالمداررس واخرتها ارسب
..
يالله ان شاء الله اجر لنا ..

[ع ـژڤٓ..]

من جد مفروض كلن يطبق بديرته

[النادر]

والله مشكله هل تمير ينقصهم الصوت المرتفع او الواسطه لجعل
بناتنا يطبقن بتمير . وازيدك ترى جميع الشباب الي يتخرجون من المعاهد
يطبقون حسب رغبتهم وشلون عاد البنات لكن ياليت يكون هناك وقفه
من الاهالي لحل هالموضوع وايصل الصوت للمسئول بصوت مرتفع .

[عنيد الراس]

حسبي الله ونعم الوكيل،،

صدقتو والله ، والله يحفظ بناتنا

[الموادع]

كان الله في عونكم ويسر الله امركم
والله يكتب لنا ولكم كل مافيه خير بالدنياء والاخره
والله انها مشكله تردد البنت عشان تطبيق
الله يحفظكم من كل شر يارب

[سكن الروح]

المفروض الاهالى يتفاعلون يبكلمون مدير الجامعه والمدير متاكده مارح يردهم

[ابو خالد R]

الا بقولكم متى تفتح كلية تمير ونفتك
يعني مع بداية العام الدراسي الجديد والا
بس هالحكي كله دراسة ع قولتهم
من عنده الخبر اليقين او يقدر يوصله لنا
له دعواتنا بظهر الغيب انشاءالله

[قصايد حزن]

والله ياكلية الحوطه فيها ظلم شنيع لبنات تمير درست فيها وتخرجت بعد معاناه تطبيق في غير ديرتي
نوصل للمحاظرات متأخرين بسبب النقل ويكتبون لنا غياب وش ذنبنا نمشي ع رجولنا من الفجريه مثلا
غير الرقابه الزايده علينا تقول عصابات مو بنات جايه تدرس
الله يكون بعون بناتنا المجاهدات للحين الوضع عفن بقوه خاصه مع الكليه الجديده رغم حداثة المبنى الا انه ضيق ومكتوم ع كلام البنات